一小時開飯：食譜原則

我要 均衡營養
我要 看起來勁 做起來易
我要 一小時開飯!

就這三個要求，不貪心吧? (應該)

世上無難事，只怕有心人。經過多次試驗， 以下一些原則，融會貫通，自然可變化出更多配搭。

1. 雙爐出海

普遍家庭是兩爐頭，應該用盡，一邊煲湯一邊炒，又或者一邊炆一邊煎。家中有焗爐, 也可以加一道焗雞翼, 三頭馬車一定夠快!

2. 快慢互補

條件要一小時完成所有工序, 其中一道菜以湯水或者可有連菜連湯的食譜為首選,  一開火就不用理, 全力煮另外兩款快手小菜。

3. 頭啖湯

湯水需要一小時完成, 老火湯、藥材等有氣勢的湯品, 首輪就出局了, 煲雞煲鴨功夫多, 周末才弄吧! 因此, 以小家碧玉型的番茄湯、瓜湯等為首選。魚湯也行, 魚本身不用煲太久, 不過工序比較多, 要掌握好其他菜式的步驟, 配蒸餸能偷點時間用。

4. 步驟決定一切

無論兩餸一湯, 還是一煲一菜, 想一小時內完成,  就必定不能逐道做。

而實際操作上, 根本沒有人會像電視教煮逐步做, 一定是全部材料洗完、切好、一次過汆水等等。 

開始挑戰一小時開飯以來, 我覺得最難之處, 是決定步驟先後, 必需先想好才動手。 有次錯手洗米後才落水蒸魚, 呆等水滾, 結果超時才完成。

5. 一拖二

看起來勁, 是要求之一。 (well, 否則沒有挑戰的意思)

有時看到書、雜誌、節目、博客示範看似很吸引的菜式, 躍躍慾試的話, 放膽加入食譜吧! 

對應之道, 是當晚另外兩道菜, 選你最有信心, 最拿手, 覺得最簡單的就好, 例如蒜蓉炒菜心, 或蒸條魚。

6. 一小時只是立個名目, 加快手腳, 老公回來剛好有飯開, 爭取時間飯後能活動活動才睡覺去。 超時又如何?  有心煮最重要!

 誰說收工煮飯, 就只能每天吃A餐!  加油!